உடனடி வெள்ளானம்

அஸ்ஸலாமு அலைக்கும் (வரஹ்).

அன்புமிக்க தோழிகளே!! நண்பர்களே !!

சமையல் கலை என்பது எல்லோருக்கும் மிகவும் பிடித்தமான ஒன்று. இந்த அவசர யுகத்தில் எளிதாக செய்யக்கூடிய வெள்ளாணம் எப்படி தயாரிப்பது என்பதை இப்போது பார்க்கலாம். இதனை சாதத்தில் பிசைந்து சாப்பிட சுவையாக இருக்கும்.

தேவையான பொருள்கள்:

தேங்காய் ‍‍‍சிறிதளவு
வெங்காயம் பல்லாரி ‍_ 2 ( தாளிப்பதற்கும் சேர்த்து )
தக்காளி 2
சீரகம் சிறிதளவு
புளி சிறிதளவு
மிளகாய் 3
மஞ்சள்தூள் 1/4 சிறிய ஸ்பூன்
கடுகு உளுந்தம்பருப்பு தாளிக்க
கறிவேப்பிலை தாளிக்க‌
மிளகாய் வற்றல் தாளிக்க‌
உப்பு தேவையான அளவு

முதலில் தேங்காய், சீரகம், புளி, தக்காளி, மஞ்சள்தூள் இவற்றையெல்லாம் ஒன்றாக மிக்ஸியில் அரைத்து தயாராக வைத்துக் கொள்ளவேண்டும்.

வாணலியில் சிறிதளவு எண்ணைவிட்டு தாளிக்க வேண்டிய பொருள்களான கடுகு உளுந்தம்பருப்பு வெங்காயம், கறிவேப்பிலை, மிளகாய்வற்றல், தாளித்துக் கொள்ளவேண்டும்.

பின்னர் மிக்ஸியில் அரைத்த விழுதுவை தாளித்த பாத்திரத்தில்விட்டு உப்பு சேர்த்து லேசாக சூடுகாட்டினால் (கொதித்து விடக்கூடாது) சுவையான வெள்ளாணம் தயார்.

இதனுடன் ஏதாவது பொறியல் கூட்டு வைத்து சாதத்தில் பிசைந்து சாப்பிட்டால் சுவையான மதிய உணவு ரெடி.

நீங்களும் செய்து சாப்பிட்டு மகிழுங்கள்

உங்கள் கருத்துக்களை வேண்டி உங்கள் மின்மினி.


,